Foron moitas as voces que se alzaron no momento no que "saltou a lebre" na Opinión da Coruña, que publicou a noticia a partir do ruxe-ruxe que pululaba xa por Arteixo días antes... e como é costume neste noso pobo, había de todo: que era un coche camuflado da municipal, que lle reventara o coche ó fulano, que se dera á fuga e se desentendera de todo, que o coche estaba sin seguro, que si la abuela fuma...

Total, para acabar aclarando que o coche que Miss Gafapasta conducía era utilizado dende había tempo para diversos servizos municipais, ainda que procedía, certo é, da Policía Municipal. O que pasa é que últimamente, ademáis de ter coches novos moi bonitos, preocúpanse máis da vestimenta (hai que ver cómo locen os nosos munipas con esas lycras-marca-todo). Ademáis, tiña o seguro en vigor, e o máis importante de todo: foi a propia alcaldesa a que notificou á Policía Municipal o sinistro, tomando nota da matrícula, imaxe dos danos, etc. para poder localizar ó propietario do coche danado.

¿Hai algo que estea mal no proceder da alcaldesa? Pois sinceramente, non o sei... si nese momento non se podía facer nada máis, creo que está ben obrado pola súa parte. Porque, sexamos sinceros... ¿cántos de vós/nós temos dado algún "toque" e como non está o propietario do coche, marchar sin deixar rastro? ¿ou a cántos de vós/nós lles aparece o coche cunha riscada, ou un bolo... e sen unha triste nota para identificar ó causante? (esto último precede a un estado catatónico no que procedemos a cajarnos na putamadre do devandito malfeitor).

Polo tanto... o debate, coma sempre, está servido en Arteixo.

¿Non estades xa un pouco aburridos de ler sempre o mesmo?

Sobre todo, por cousas coma estas:

"la mayoría de los jóvenes españoles son del PP pero aún no lo saben porque ser de izquierdas no está de moda, porque los de izquierdas son unos carcas"

"Los de izquierdas están todo el día con la guerra del abuelo, con la memoria histórica, con el aborto, la eutanasia y la muerte, cantando la Internacional, que se cantaba cuando había 100 millones de muertos en el siglo pasado.

"Ahí tenemos la Ley del aborto y la eutanasia, pero es que también nos manipulan durante la vida, en la Educación, en la Justicia, en los medios de comunicación, en las empresas, hasta en lo que tenemos que comer, acordaos del conejo, de las hamburguesas grandes o pequeñas. Ya está bien."

"Por eso, no idolatramos a asesinos, como el Che Guevara sino a mártires como Miguel Angel Blanco. Ese sí que es un héroe, y no el mercenario." 

Creo que estas declaracións deberían comentarse solas. Porque... a verdade... ¿este rapaz sabe por qué os de esquerdas cantan a Internacional? ¿Sabe cal era o himno constitucional de España antes de que Franco se alzara co poder mediante as armas? ¿Acaso Miguel Angel Blanco só e martir dos do PP? ¿Sabe contra quén loitou o Che Guevara, e defendendo qué ideais?

Estarréceme pensar, sobre todo, que moita xente aplaude este tipo de opinións...

Posiblemente sairán á luz pública, nas próximas datas, os nomes do resto dos implicados nesta trama que parecía perfectamente estructurada.

Non vou entrar en xulgar éticamente o comportamento dos mariscadores, bastante reprobable, por pescar nunha ría pechada por mor da neurotoxina ASP dende hai xa máis de 10 anos. Pero o que sí que critico son varias actuacións que tiveron lugar nestes últimos días.

O primeiro é a desinformación coa que nos bombardean os medios de comunicación nacionais, tipo "España Directo", "Está Pasando" ou  "Visto y Oido", que desprazan  reporteiros para facer entradillas en directo como si estiveramos perante o maior crime perpetrado na historia da restauración española. Por desgracia, no resto de España non saben que o marisco que veñen a consumir aquí a Galicia, é na súa maior parte, furtivo. Pobres madrileños, qué disgusto van pillar...

Porque por desgracia, a meirande parte dos restauradores, e sobre todo aqueles especializados en "pescados y mariscos" adoitan obter a materia prima de mans de pescadores non autorizados.

Con respecto a isto, Toñi Vicente xustificábase dicindo que, coa compra desta vieira fresca, pretendía darlles ós seus clientes un producto de primeirísima calidade, porque viña fresco e cun aspecto estupendo. O que ela non di é que posiblemente obtivera a vieira a menor precio que a que está circulando de xeito legal no mercado, co que aumenta a marxe de beneficio nos pratos que levan a vieira como ingrediente.

Do que non se da conta Toñi, nin o resto dos restauradores que a defenden, coma o Chef Rivera, é que a súa obriga (e a do resto) é garantir xa non so a CALIDADE do producto que ofrece, senon a SEGURIDADE ALIMENTARIA dos seus clientes. E se non, que non cobre a 20 € o prato. E isto só se pode garantir obtendo as materias primas de proveedores autorizados, non duns furtivos que nos veñen cos capachos de vieira á porta do restaurante.

Outro tema é a defensa a ultranza que fan os restauradores da "pobre" Toñi Vicente, como citaba anteriormente ó Chef Rivera,  dicindo que "foi un erro", "enganárona", "equivocouse"... Pero vamos a ver... ¿quere dicir que como o 90 % dos restaurantes compran productos que veñen xa non do furtivismo, senon de proveedores non autorizados, co conseguinte risco dalgunha contaminación ou intoxicación para os clientes, xa temos que xustificala? ¿Cómo podemos dicir que se equivocou, ou que a enganaron, cando está demostrado que mercou esa vieira, alomenos en tres ocasións?

E con respecto á Comercial Xanquei, paréceme absolutamente surrealista a defensa que da empresa fixeron os seus avogados en rolda de prensa, dicindo que, en tódolos seus anos de actividade, nunca comercializaron productos non autorizados, e que a vieira atopada na súa nave industrial estaba conxelada e debidamente etiquetada.

O que non entendo entón, é cómo apareceron as máis de tres toneladas de vieira furtiva naquelas instalacións. ¿Qué pretendían conxelandoa? ¿Acaso pensaban que a neurotoxina desaparecía co frío? ¿E posible que falsearan albaráns de compra para xustificar a "legalidade" da vieira?

Están a xogar coa presunción de inocencia e con paráfrasis legais para non recoñecer o obvio: que os pillaron coas mans na masa. Nunha masa xa non ilegal, senon nociva para o consumidor, xa que os efectos da neurotoxina non son detectables ata tempo despois do seu consumo. Mesmo anos...

O problema é que quen está agora no cárcere son os mariscadores furtivos. E Toñi Vicente e Comercial Xanquei seguen a traballar.

"El desconocimiento de las leyes no exime de su cumplimiento"

Pero quedei abraiado nestes días coa aparición misteriosa duns carteis luminosos onde supostamente aparecerá información de interese para os cidadáns e os visitantes do ilustre concello de Arteixo.

Eu o que penso é que ainda han de provocar algún accidente...

E menos mal que aquí non temos unha alcaldesa tan Jerrilheira coma en Oleiros, onde os bombardean con mensaxes de Palestina Libre, Revolución o Muerte, e cousas así...

Tede coidado, viandantes arteixáns, conta a lenda que si miras ós carteis luminosos durante moito tempo, sen pecha-los ollos, aparecese o fantasma de Pose querendo comprarche o voto...

Unha cousa que me preocupa enormemente despois de saber de forma oficiosa que caerán en Novembro, é a insinuación do PP de, en caso de necesidade, pactar co BNG.

Non me queda moi claro, pero... penso eu que non se atreverán os do BNG a pactar co partido que, despois de 16 anos monopolizando o goberno, chupando do bote, e gobernando o país a golpe de cacicada, so por seguir aferrados ó doce sabor do poder, pactarían ata co Partido Comunista con tal de botar da poltrona ó seu inimígo acérrimo, o Sr. Perez-Touciño.

Afortunadamente, coido que moito van ter que cambiar as cousas en Galicia para que o Sr. Nuñez "Manguerita de la alegría" Feijó se sente no sillón presidencial. 

¿qué opinades?