Pois eso, estes días de reencontros con familiares que andan esparaguellados polo mundo adiante e de chamadas e mensaxes de amigos máis ou menos próximos, eu acordeime tamén dun grupiño de persoas coas que teño pasado bos momentos e máis dunha boa risotada. En primeiro lugar do Sioux, que foi o primeiro en darme a benvida nun verán que cheiraba a fume por todas partes e a xente loitaba contra o lume con baldes de auga. A jgr, que me ensinou o que eran as clemenules e que supoño andara disfrutando como un tolo da súa paternidade. A Amadora, que me inspira todo tenrura e a quen vexo como mamá galiña  cos poliños debaixo das súas ás. A L_del_J, cánto sabe e que ben escribe a desgraciada, eu ao seu carón síntome pequeniña, ata cando decía que non lle saían as palabras, escribía como lle daba a gana. A Valva que entraba no blog coma un torrente de frescura que nos contaxiaba a todos. A Paloma, con quen case ía á par en gustos musicais. A Quruxa, a Esquío, a Chocolateada, a Clint, a Perdido/Hallado e volta a perderse, a Desde Oseiro porque me gusta o que escribe,  a Rincón Habanero a Nando e ao seu urbanismo sostible, a aquela María gaiteira, a aqueles que se me quedaran no tinteiro.

Mención especial para aquel gaiteiro que nos contaba contos, Rilo, aqueles blogs eran sempre un regalo.

Para todos vos e cos meus mellores desexos:BO NADAL.